Ek lomdi ek cheel ki saheli ban gayi. Dono me itna pyar huwa ke ek dosre ke baghair rehna mushkil ho gaya. Ek din lomdi ne chle se kaha .
" kyun na hum paas rahein. pait ki fikar me aksar mujhe ghar se gayab rehna padta hai. mere bache ghar me akaile reh jate hain aur mera dhyaan bachon ki fikar me laga rehta hai. kyun nah tum yahin kahin paas hi raho. kam az kam mere bachon ka to khayaal rakho gi. "
cheel ne lomri ki baat se ittafaq kiya aur aakhir kaar koshish karke rahaish ke liye ek purana paidd talaash kiya jis ka tana andar se khokhala tha. Uss me shagaaf tha. dono ko yeh jagah pasand aayi. lomdi apne bachon ke sath shagaaf me aur cheel ne paidd par basera kar liya .
kuch arsa baad lomdi ki ghair mojoodgi me cheel jab apne ghonsle me bachon ke sath bhukhi baithi thi, usne apna aur apne bachon ka pait bharne ke liye lomdi ka ek bacha uthaya aur ghonslay me ja kar khud bhi khaya aur bachon ko bhi khilaya. jab lomdi wapas aayi to ek bacha gayab paaya. Usne bache ko idhar idhar bohat talaash kiya magar woh nah mila. aankhon se ansoo bahane lagi. cheel bhi dikhawe ka afsos karti rahi .
Dusre din lomdi jab jungle me phir shikaar karne chali gayi aur wapas aayi to ek aur bacha gayab paaya. teesre din bhi aisa hi huwa. Uska ek aur bacha gayab ho gaya. cheel lomdi ke saare bache kha gayi. lomdi ko cheel par shak jo huwa tha, woh pukhta yaqeen me badal gaya ke uske tamam bache cheel hi ne khaye hain magar woh chup rahi. koi gilah shikwah nah kiya. har waqt roti rehti aur khuda se faryaad karti rehti ke .
" aey khuda! mujhe udne ki taaqat ataa farma taake me apni dost numa dushman cheel se apna intiqam le sakun. "
khuda ne lomdi ki iltija sun li aur cheel par apna qehar nazil kiya. Ek roz bhook ke hathon tang aa kar cheel talaash rozi me jungle me udi chali ja rahi thi ke ek jagah dhuwan uthta dekh kar jaldi se uski taraf lapki. dekha kuch shikari aag jala kar apna shikaar bhon-nay me masroof hain .
cheel ka bhook se bura haal tha. bache bhi bohat bhuke the. sabr nah kar saki. jhapta mara aur kuch gosht apne panjoo me uchak kar ghonsle me le gayi. idhar bhune hue gosht ke sath kuch chingarian bhi chipki hui theen. ghonsle me bichay hue ghaas phoos ke tinkon ko aag lag gayi. ghonsla bhi julne laga. idhar taiz taiz huwa chalne lagi. ghonsle ki aag ne itni fursat hi nah di ke cheel apna aur apne bachon ka bachao kar sake. wahein tarap tarap kar neeche girne lage. lomri ne jhat apna badla le liya aur inhen chaba chaba kar kha gayi .
✿ Pakizah Kahaniya ✿
ادلے کا بدلہ
ایک لومڑی ایک چیل کی سہیلی بن گئی۔ دونوں میں اتنا پیار ہوا کہ ایک دوسرے کے بغیر رہنا مشکل ہو گیا۔ ایک دن لومڑی نے چیل سے کہا۔
"کیوں نہ ہم پاس رہیں۔ پیٹ کی فکر میں اکثر مجھے گھر سے غائب رہنا پڑتا ہے۔ میرے بچے گھر میں اکیلے رہ جاتے ہیں اور میرا دھیان بچوں کی فکر میں لگا رہتا ہے۔ کیوں نہ تم یہیں کہیں پاس ہی رہو۔ کم از کم میرے بچوں کا تو خیال رکھو گی۔"
چیل نے لومڑی کی بات سے اتفاق کیا اور آخرکار کوشش کرکے رہائش کے لیے ایک پرانا پیڑ تلاش کیا جس کا تنا اندر سے کھوکھلا تھا۔ اس میں شگاف تھا۔ دونوں کو یہ جگہ پسند آئی۔ لومڑی اپنے بچوں کے ساتھ شگاف میں اور چیل نے پیڑ پر بسیرا کر لیا۔
کچھ عرصہ بعد لومڑی کی غیر موجودگی میں چیل جب اپنے گھونسلے میں بچوں کے ساتھ بھوکی بیٹھی تھی، اس نے اپنا اور اپنے بچوں کا پیٹ بھرنے کے لیے لومڑی کا ایک بچہ اٹھایا اور گھونسلے میں جا کر خود بھی کھایا اور بچوں کو بھی کھلایا۔ جب لومڑی واپس آئی تو ایک بچہ غائب پایا۔ اس نے بچے کو ادھر ادھر بہت تلاش کیا مگر وہ نہ ملا۔ آنکھوں سے آنسو بہانے لگی۔ چیل بھی دکھاوے کا افسوس کرتی رہی۔
دوسرے دن لومڑی جب جنگل میں پھر شکار کرنے چلی گئی اور واپس آئی تو ایک اور بچہ غائب پایا۔ تیسرے دن بھی ایسا ہی ہوا۔ اس کا ایک اور بچہ غائب ہو گیا۔ چیل لومڑی کے سارے بچے کھا گئی۔ لومڑی کو چیل پر شک جو ہوا تھا، وہ پختہ یقین میں بدل گیا کہ اس کے تمام بچے چیل ہی نے کھائے ہیں مگر وہ چپ رہی۔ کوئی گلہ شکوہ نہ کیا۔ ہر وقت روتی رہتی اور خدا سے فریاد کرتی رہتی کہ ۔
"اے خدا! مجھے اڑنے کی طاقت عطا فرما تاکہ میں اپنی دوست نما دشمن چیل سے اپنا انتقام لے سکوں۔"
خدا نے لومڑی کی التجا سن لی اور چیل پر اپنا قہر نازل کیا۔ ایک روز بھوک کے ہاتھوں تنگ آ کر چیل تلاش روزی میں جنگل میں اڑی چلی جا رہی تھی کہ ایک جگہ دھواں اٹھتا دیکھ کر جلدی سے اس کی طرف لپکی۔ دیکھا کچھ شکاری آگ جلا کر اپنا شکار بھوننے میں مصروف ہیں۔
چیل کا بھوک سے برا حال تھا۔ بچے بھی بہت بھوکے تھے۔ صبر نہ کرسکی۔ جھپٹا مارا اور کچھ گوشت اپنے پنجوں میں اچک کر گھونسلے میں لے گئی۔ ادھر بھنے ہوئے گوشت کے ساتھ کچھ چنگاریاں بھی چپکی ہوئی تھیں۔ گھونسلے میں بچھے ہوئے گھاس پھوس کے تنکوں کو آگ لگ گئی۔ گھونسلا بھی جلنے لگا۔ ادھر تیز تیز ہوا چلنے لگی۔ گھونسلے کی آگ نے اتنی فرصت ہی نہ دی کہ چیل اپنا اور اپنے بچوں کا بچاؤ کر سکے۔ وہیں تڑپ تڑپ کر نیچے گرنے لگے۔ لومڑی نے جھٹ اپنا بدلہ لے لیا اور انہیں چبا چبا کر کھا گئی۔
حاصل کلام
جو کسی کے لیے کنواں کھودتا ہے، خود بھی اسی میں جا گرتا ہے۔ اس لیے سیانوں نے کہا ہے کہ برائی کرنے سے پہلے سوچ لے کہیں بعد میں پچھتانا نہ پڑے۔
