♦ DOLL HOUSE (Dil hila kar rakh dene wali ek tahreer)

Kuchh tehreerein aisi hoti hain jin par hum apne aap par jitna bhi control kar lein control nahi rehta aur humari ankhein bheeg hi jati hain ek aisi hi dil ko hila kar rakh dene wali tehreer

"Doll House"
Tehreer : Binte Aadam

Meri khilono ki dukaan hai, Aanar kali bazaar mein. .. Mere paas desi Bidesi har qism ka khilona hai, Mai gahak ki jaib aur zahiri haalat se andaza laga leta hoon ke uski qowat khareed kitni hai,  Mere paas sou rupay se le kar hazaron rupay wale bhi khilone hain.
Kaafi dinon se me yeh note kar raha tha ke koi musalsal meri dukaan ki nigrani kar raha hai mujhe shak huwa ke kahin koi chor to meri dukaan ki reki nahi kar raha! ! !
Aakhir ek din mai ne usey ja liya. Arrey! yeh kya yeh to koi bachi thi chhe saat saal ki. Halke gulabi aur neele rang ke phate hue frock aur pajame se maloom ho gaya ke koi faqeeran thi .
Mai ne usey daant kar poocha : “Ooey tu meri dukaan me kab ghusi? ”
Uska rang udd gaya. Bechari tharr tharr kaanp rahi thi, Magar mujhe koi taras nahi aaya .
Yeh sab faqeer jaan kar apne bachon ko aisi haalat me rakhte hain taake log taras kha kar zyadah bheek dein. .
Dukaan se koi cheez to nahi uthai?
“Woh nafi me sarr hilane lagi. Uski aankhon me ansoo bhare hue they .
“Agar dobarah idhar nazar aayi to bohat maronga aur police me de dunga, chal daud ja.”
Dukaan me gahakon ki mojoodgi ki wajah se mai ne usey dhakke daine se guraiz kiya .
woh masoom bachi daudti hui meri dukaan se bahar nikal gayi .
“Chor hote hain jee, dukano me ghus kar dukano ka sara haal maloom karte hain, phir unke bade dukaan loit lete hain. ”
Meri dukaan me khadi begamat ne meri haan me haan milayi. . .
Agle din mai ne jab dukaan kholi to woh dukaan ke bahar khadi thi, aur showcase me lage khilono ko dekh rahi thi .
“Tu phir aagai? ”
“Sahab jee, Sahab jee. .. ” Mai ne suni unsuni kar di. . .
“aa khilonda kane da ae? ? ” ( yeh khilona kitney ka hai ) uss ne punjabi mein poocha. . .
Mai ne usey jawab na diya. .. . woh phir boli. .. . “Sahab jee. .. . ”
“Tu idhar se jati hai ke nahi. .. . “Maine ussey baazu se pakar ke peeche dhakela.
“gande haath na lagana sheeshe ko. .. . ”
woh zorr ka jhatka lagne se girr gayi, kamzoor si to thi. .. .
“woo wala khidona kane da ae. .. . ”
Ab ki baar uss ne door se ishara kiya .
Mai ne usey bhagane ke liye raqam teen gunna zyadah batayi. “we hazaar rupay da. ” ( bees hazaar )
Yeh yeh insani fitrat hai ke. .. Ghareeb ko uski gareebi ka ehsaas dilane aur apni bartari saabit karne ke liye hum Ameer log aksar apni kam qeemat ashya ki qeemat bhi zyadah batate hain .
woh doll house ke bare me pooch rahi thi, raqam sunn kar usey samajh hi na aayi, ke bees hazaar kitne hote hain. .. door khadi rahi. . .
Mai dukaan me chala gaya. magar waqatan fawaqtan usey dekhne ke liye bahar bhi aata raha. ..
woh raqam sunn kar ja chuki thi. . .
Do chaar din aaraam se guzar gaye woh nazar nah aayi. ..
Ya mai ne tawajja na di, ke mere mulazim ne bataya :
“Mai jab dopehar thodi der aaraam ke liye ghar jata hoon to koi bachi showcase ke bahar baith kar khayalon me doll house ke sath khelti hai, aur mujhe aata dekh kar bhaag jati hai ”. . .
“achha”. .. .
agle din mai ghar jane ki bajaye samne wali dukaan me ja kar baith gaya. . .
woh muqarara waqt par aayi aur showcase ke bahar baith kar usne pehle idhar udhar dekha. phir ishaaron se kabhi “doll house me mojood cheezon ki jagah badalti, gudia ko oopar neeche rakhti. .. . isi terha kheelte kheelte usey mere ane ka ehsas huwa aur woh bhaag gayi. . .
waqt guzarta gaya. ..
woh ab bhi aati. .. aur khail kar chali jati .
Mujhe yeh kheel achha lagne laga, kabhi chahta usey khelona de doon, Magar phir me iss kheel se mahroom ho jata. .. Ya phir mujh me itni ikhlaqi jurrat nahi thi ke mai itna mehanga khilona ek faqeeran ko de deta. . .
Mai ne uska khilona nahi becha. ..
kayi gahkon ne mujhe khelone ki munh mangi qeemat bhi daine ki koshish ki, magar mera dil nahi chaha. .. .
Mere samne uska maila sa chehra aa jata. .. . aur mai chahte hue bhi doll house beech nahi saka. .. .
Usne aana band kar diya hai. .. saal bhi to kitne beet gaye. .. . mere bete ne doll house ko showcase se hatane ke liye kaha to mai ne hataane nahi diya. . .
ho sakta hai. . woh aey. .. . magar ab to woh badi ho gayi hogi. . .
Ehsasِ nedamat jeene nahi deta. ..
kash mai usey doll house de deta. . .
usey dhundne ke liye kachi basti bhi gaya. .. .
wahan to sab ki shakalein ek jaisi hain. ..
wahi gande maile chehre aur phate purane kapde. ..
Magar. .. phir ek din woh aagayi. . .
Meri dukaan me ek nojawan ladki daakhil hui. .. . uske rang dhang se lag raha tha ke talluq uss bazaar se hai, jise hum shareef achha nahi samajte, saath usakaa mulazim bhi tha. . .
yeh gudiya ghar khareedna hai mujhe. .. woh boli. .. bees hazaar ikhate karne me bohut time lag gaya mujhe. . .
par shukar hai tum ne usey becha nahi. .. Usne ghumzdaa Muskurahat ke sath yeh jumla bola. . .
Doll house bik chuka tha. .. aur qeemat thi. ..
MERA TA HAYAT EHSAASE NEDAMAT. 
✿ Pakizah Kahaniya ✿

کچھ تحریریں ایسی ہوتی ہیں جن پر ہم اپنے آپ پر جتنا بھی کنٹرول کر لیں کنٹرول نہیں رہتا اور ہماری آنکھیں بھیگ ہی جاتی ہیں ایک ایسی ہی دل کو ہلا کر رکھ دینے والی تحریر

ڈال ہاؤس

تحریر: بنتِ آدم

میری کھلونوں کی دکان ہے،انار کلی بازار میں۔۔۔ میرے پاس دیسی بدیسی ہر قسم کا کھلونا ہے، میں گاہک کی جیب اور ظاہری حالت سے اندازہ لگا لیتا ہوں کہ اس کی قوت خرید کتنی ہے، میرے پاس سو روپے سے لے کر ہزاروں روپے والے بھی کھلونے ہیں۔

کافی دنوں سے میں یہ نوٹ کر رہا تھا کہ کوئی مسلسل میری دکان کی نگرانی کر رہا ہے مجھے شک ہوا کہ کہیں کوئی چور تو میری دکان کی ریکی نہیں کر رہا!!!

آخر ایک دن میں نے اُسے جا لیا۔ ارے! یہ کیا یہ تو کوئی بچی تھی چھ سات سال کی۔ ہلکے گلابی اور نیلے رنگ کے پھٹے ہوئے فراک اور پائجامے سے معلوم ہو گیا کہ کوئی فقیرنی تھی۔

میں نے اُسے ڈانٹ کر پوچھا: “اوئے تُو میری دکان میں کب گُھسی؟”

اُسکا رنگ اُڑ گیا۔ بیچاری تھر تھر کانپ رہی تھی، مگر مجھے کوئی ترس نہیں آیا۔

یہ سب فقیر جان کر اپنے بچوں کو ایسی حالت میں رکھتے ہیں تاکہ لوگ ترس کھا کر زیادہ بھیک دیں۔۔۔

“دکان سے کوئی چیز تو نہیں اُٹھائی؟ “وہ نفی میں سر ہلانے لگی۔ اس کی آنکھوں میں آنسو بھرے ہوئے تھے۔

“اگر دوبارہ ادھر نظر آئی تو بہت ماروں گا اور پولیس میں دے دوں گا، چل دوڑ جا۔”

دکان میں گاہکوں کی موجودگی کی وجہ سے میں نے اُسے دھکے دینے سے گریز کیا۔

وہ معصوم بچی دوڑتی ہوئی میری دُکان سے باہر نکل گئی۔

“چور ہوتے ہیں جی، دُکانوں میں گھس کر دُکانوں کا سارا حال معلوم کرتے ہیں، پھر ان کے بڑے دکان لوٹ لیتے ہیں۔”

میری دکان میں کھڑی بیگمات نے میری ہاں میں ہاں ملائی۔۔۔

اگلے دن میں نے جب دکان کھولی تو وہ دکان کے باہر کھڑی تھی، اور شوکیس میں لگے کھلونوں کو دیکھ رہی تھی۔

“تو پھر آگئی؟”

“صاب جی ، صاب جی۔۔۔” میں نے سُنی ان سُنی کر دی۔۔۔

“اے کھڈونا کِنے دا اے؟؟” (یہ کھلونا کتنے کا ہے) اُس نے پنجابی میں پوچھا۔۔۔

میں نے اسے جواب نہ دیا۔۔۔۔ وہ پھر بولی۔۔۔۔ “صاب جی۔۔۔۔”

“تو ادھر سے جاتی ہے کہ نہیں۔۔۔۔ “میں نے اُسے بازو سے پکڑ کے پیچھے دھکیلا۔ “گندے ہاتھ نہ لگانا شیشے کو۔۔۔۔”

وہ زور کا جھٹکا لگنے سے گر گئی، کمزور سی تو تھی۔۔۔۔

“او والا کھڈونا کِنے دا اے۔۔۔۔” اب کی بار اُس نے دور سے اشارہ کیا۔

میں نے اُسے بھگانے کے لیے رقم تین گُنا زیادہ بتائی۔ “وی ہزار روپے دا۔” (بیس ہزار)

یہ یہ انسانی فطرت ہے کہ۔۔۔ غریب کو اس کی غریبی کا احساس دلانے اور اپنی برتری ثابت کرنے کے لیے ہم امیر لوگ اکثر اپنی کم قیمت اشیاء کی قیمت بھی زیادہ بتاتے ہیں۔

وہ ڈال ہاؤس کے بارے میں پوچھ رہی تھی، رقم سُن کر اُسے سمجھ ہی نہ آئی، کہ بیس ہزار کتنے ہوتے ہیں۔۔۔ دور کھڑی رہی۔۔۔

میں دکان میں چلا گیا۔ مگر وقتاً فوقتاً اسے دیکھنے کے لیے باہر بھی آتا رہا۔۔۔ وہ رقم سُن کر جا چُکی تھی۔۔۔

دو چار دن آرام سے گزر گئے وہ نظر نہ آئی۔۔۔ یا میں نے توجہ نہ دی،کہ میرے ملازم نے بتایا: “میں جب دوپہر تھوڑی دیر آرام کے لیے گھر جاتا ہوں تو کوئی بچی شوکیس کے باہر بیٹھ کر خیالوں میں ڈال ہاؤس کے ساتھ کھیلتی ہے ،اور مجھے آتا دیکھ کر بھاگ جاتی ہے”۔۔۔

“اچھا”۔۔۔۔ اگلے دن میں گھر جانے کی بجائے سامنے والی دکان میں جا کر بیٹھ گیا۔۔۔

وہ مقررہ وقت پر آئی اور شوکیس کے باہر بیٹھ کر اس نے پہلے ادھر اُدھر دیکھا۔پھر اشاروں سے کبھی “ڈال ہاؤس “میں موجود چیزوں کی جگہ بدلتی، گڑیا کو اوپر نیچے رکھتی۔۔۔۔ اسی طرح کھیلتے کھیلتے اسے میرے آنے کا احساس ہوا اور وہ بھاگ گئی۔۔۔

وقت گزرتا گیا۔۔۔ وہ اب بھی آتی۔۔۔ اور کھیل کر چلی جاتی ۔

مجھے یہ کھیل اچھا لگنے لگا، کبھی چاہتا اسے کھلونا دے دوں، مگر پھر میں اس کھیل سے محروم ہو جاتا۔۔۔ یا پھر مجھ میں اتنی اخلاقی جرات نہیں تھی کہ میں اتنا مہنگا کھلونا ایک فقیرنی کو دے دیتا۔۔۔

میں نے اُسکا کھلونا نہیں بیچا۔۔۔ کئی گاہکوں نے مجھے کھلونے کی منہ مانگی قیمت بھی دینے کی کوشش کی،مگر میرا دل نہیں چاہا۔۔۔۔ میرے سامنے اُسکا میلا سا چہرہ آ جاتا۔۔۔۔ اور میں چاہتے ہوئے بھی ڈال ہاؤس بیچ نہیں سکا۔۔۔۔

اس نے آنا بند کر دیا ہے۔۔۔ سال بھی تو کتنے بیت گئے۔۔۔۔ میرے بیٹے نے ڈال ہاؤس کو شوکیس سے ہٹانے کے لیے کہا تو میں نے ہٹانے نہیں دیا۔۔۔

ہو سکتا ہے ۔۔وہ آئے۔۔۔۔ مگر اب تو وہ بڑی ہو گئی ہو گی۔۔۔

احساسِ ندامت جینے نہیں دیتا۔۔۔ کاش میں اُسے ڈال ہاؤس دے دیتا۔۔۔

اسے ڈھونڈنے کے لیے کچی بستی بھی گیا۔۔۔۔ وہاں تو سب کی شکلیں ایک جیسی ہیں۔۔۔ وہی گندے میلے چہرے اور پھٹے پرانے کپڑے۔۔۔ مگر۔۔۔ پھر ایک دن وہ آگئی۔۔۔

میری دکان میں ایک نوجوان لڑکی داخل ہوئی۔۔۔۔ اُسکے رنگ ڈھنگ سے لگ رہا تھا کہ تعلق ‘اُس بازار’ سے ہے ،جسے ہم شریف اچھا نہیں سمجھتے،ساتھ اُسکا’ ملازم’ بھی تھا۔۔۔

یہ گڑیا گھر خریدنا ہے مجھے۔۔۔ وہ بولی۔۔۔ بیس ہزار اکھٹے کرنے میں بہت ٹائم لگ گیا مجھے۔۔۔

پر شکر ہے تم نے اسے بیچا نہیں۔۔۔ اس نے غمزدہ مسکراہٹ کے ساتھ یہ جملہ بولا۔۔۔

ڈال ہاؤس بِک چُکا تھا۔۔۔ اور قیمت تھی ۔۔۔ 

میرا تا حیات احساسِ ندامت!