Sheikh ul islam imam Ghazali ne ahya al uloom me ek haasid aadmi ki yeh hekayat farmayi hai ke Ek shakhs badshaah ke samne khada
hokar yeh kaha karta tha ke;"Nek logon ke sath neki karo aur mohsin ke ehsaan ka badla do kyon keh burayi karne wale ki burayi tumhare taraf se khud kifayat karegi ".
Yeh shakhs badshaah ke samne yeh nasiyaat kiya karta tha jis se uss ki badi izzat thi.
Uss ki izzat, Azmat aur martaba ko dekh kar ek shakhs ko hasad paida hogaya. Uss ne badshaah se shikayat ki ke yeh shakhs huzoor ke samne khada hokar gandah dahan batata hai.
Badshaah ne kaha;
"uss ki tasdeeq kaise ho? "
Haasid ne kaha;
"Jab woh Aap ke paas aeye to Aap usey apne qareeb bulaa lijiye, Jab woh Aap ke bilkul qareeb jayega to apni naak band karle ga, taake Aap ke munh ki badboo na ane paye."
Badshaah ne kaha;
" Bahut accha, kal imtehaan karein ge" .
udhar uss haasid ne Badshaah se yeh kaha, idhar uss ne jaakar uss naaseh o nek aadmi ki dawat karke aisa khana khilaya jis me lahsun bahut sa tha. Yeh khana kha kar farigh hi huwa tha ke darbaar ka waqt agaya. badastoor sabiq Badshaah ke samne khade hokar uss ne wahi jumla kaha jo kaha karta tha.
Badshaah ne uss ko apne paas bulane ka ishara kiya, uss ne apne munh par haath rakh liya taake apne munh ki badboo badshaah taq na punhchane paye. munh par haath rakhe woh badshaah ke paas pahunch gaya. Badshaah ko kal ki baat par yaqeen agaya ke woh baat bilkul sach hai, jo haasid ne kahi thi .
usi waqt Badshaah ne apne haath se apne khaas governor ke paas iss mazmoon ka ek khat likha ke;
" jab haamil ruqaa haza tumhare paas punhche to foran usey qatal karke uss ke chamde me bhus bharwa kar humare paas bheij do".
Iss khat ko uss shakhs ke hawale karke kaha ke;
" falan haakim ke paas iss khat ko le jao".
Chunanche woh khat le kar Badshaah ke darbaar se bahar aaya. Uss badshaah ka dastoor tha ke jab woh dosti khat likhta tha to kisi ke naam jageer o inaam keliye likhta.
Raste me wahi haasid mila, uss ke haath me khat dekh kar poocha;
" yeh kiya hai?"
Iss ne kaha ke;
"yeh Shahi khat hai jo Mujhe likh kar diya hai ke falan haakim ke paas le jaoon".
Uss haasid ne yeh samjha ke iss Shahi khat me badshaah ne kuch inaam aur jageer ke liye likha hoga. Uss haasid ne uss shakhs se kaha ke;
" yeh khat Mujhe de do me le jaoon ga."
Iss shakhs ne kaha ke ;
"accha mai tumhe yeh khat hiba karta hoon, le jao. "
Uss haasid ne uss khat ko inaam ke lalach me uss haakim ke samne le ja kar paish kiya. Haakim ne uss khat ko padh kar haamil ruqaa se kaha ke ;
"iss khat me badshaah ne yeh likha hai ke mai tumhe qatal karke tumhare khaal khinchwa kar uss me bhusa bharwa ke Badshaah ke paas beju. "
To yeh haasid haamil ruqaa bahut ghabraya aur kehne laga ke ;
"yeh dusre ka khat hai jo me le aaya hon, khuda ke waste yeh khat Mujhe wapas kardo. Mai Badshaah ke paas wapas le jaoon".
Uss haakim ne kaha ke ;
"Badshaah ka aaya huwa khat wapas nahi ja sakta. Ab mai tum ko qatal karoonga aur badshaah ke hukum ke mutabiq tumhare chamde me bhus bharwa kar badshaah ke paas bejunga ."
Chunanche uss haasid ko qatal kara kar uss ke chamde me bhus bharwa kar badshaah ke paas bheij diya.
Udhar woh nek shakhs jo badshaah ke samne rozana khada hokar yeh kaha karta tha ke Mohsin ke Ehsaan ka badla accha dena chahiye kyon ke burayi karne wale ko khud uss ki burayi halaak karegi Badshaah ke paas gaya aur apni aadat ke mutabiq wahi kaha to Badshaah ko bahut taajjub huwa ke maine to usey qatal karane ke liye falan haakim ke paas bheij diya tha, yeh kaise agaya aur phir haasid ka bhus bhara chamdha bhi agaya to badshaah ne poocha yeh kiya maajra hai.
Uss buzurag shakhs ne kaha huzoor Iss me mera koi qasoor nahi hai. Badshaah ne uss se kaha ke uss ne tumhare mutaliq mujh se kaha tha ke tum Meri buraiyan karte phirte ho aur Mujhe gandah dahan kehte ho. Uss ne Kaha ke;
" Mai ne har ghiz ye baat nahi kahi hai." Badshaah ne kaha;
" Jab Mai ne tumhein apne paas bulaya tha to tum ne apne haath ko apne munh par kyun rakh liya tha ?"
Usne kaha ke ;
" Usne meri dawat ki thi aur khane me lahsun dal diya tha.Aap ne mujhe bulaya, mai agaya, to mai ne apne dil me ye khayaal kiya ke lahsun ki badboo apko nagawaar guzregi, iss liye maine apne munh par haath rakh liya taake Aap ko badboo na punhche."
Badshaah ne kaha;
"Sach hai tum apna kaam karo, Badee karne wale ko uski badee tumhari taraf se kaafi hogayi.
Sach farmaya hai Allah ne;
وَلَا یَحِیْقُ الْمَکْرُ السَّیِّیءُ اِلَّا بِاَہْلِہٖ۔ (فاطر:۴۳)
Aur buri tadbeer karne walon ka wabaal unn buri tadbeer karne walon hi par padta hai.
✿ Pakizah Kahaniya ✿
✿ Pakizah Kahaniya ✿
حکایت
حضرت شیخ الاسلام امام غزالی نے احیاء العلوم میں ایک حاسد آدمی کی یہ حکایت فرمائی ہے کہ ایک شخص بادشاہ کے سامنے کھڑا ہوکر یہ کہا کرتا تھا کہ نیک لوگوں کے ساتھ نیکی کرو اور محسن کے احسان کا بدلہ دو کیوںکہ برائی کرنے والے کی برائی تمہاری طرف سے خود کفایت کرے گی۔
یہ شخص بادشاہ کے سامنے یہ نصیحت کیا کرتا تھا جس سے اس کی بڑی عزت تھی۔ اس کی عزت، عظمت اور مرتبہ کو دیکھ کر ایک شخص کو حسد پیدا ہوگیا۔ اس نے بادشاہ سے شکایت کی کہ یہ شخص حضور کے سامنے کھڑا ہوکر گندہ دہن بتاتا ہے۔ بادشاہ نے کہا اس کی تصدیق کیسے ہو؟ حاسد نے کہا جب وہ آپ کے پاس آئے تو آپ اسے اپنے قریب بلا لیجیے، جب وہ آپ کے بالکل قریب آجائے گا تو اپنی ناک بند کرلے گا، تاکہ آپ کے منہ کی بدبو نہ آنے پائے۔ بادشاہ نے کہا بہت اچھا، کل امتحان کریں گے۔
ادھر اس حاسد نے بادشاہ سے یہ کہا، ادھر اس نے جاکر اس ناصح و نیک آدمی کی دعوت کرکے ایسا کھانا کھلایا جس میں لہسن بہت سا تھا۔ یہ کھانا کھا کر فارغ ہی ہوا تھا کہ دربار کا وقت آگیا۔ بدستور سابق بادشاہ کے سامنے کھڑے ہوکر اس نے وہی جملہ کہا جو کہا کرتا تھا۔ بادشاہ نے اس کو اپنے پاس بلانے کا اشارہ کیا، اس نے اپنے منہ پر ہاتھ رکھ لیا تاکہ اپنے منہ کی بدبو بادشاہ تک نہ پہنچنے پائے۔ منہ پر ہاتھ رکھے وہ بادشاہ کے پاس پہنچ گیا۔ بادشاہ کو کل کی بات پر یقین آگیا کہ وہ بات بالکل سچ ہے، جو حاسد نے کہی تھی۔
اسی وقت بادشاہ نے اپنے ہاتھ سے اپنے خاص گورنر کے پاس اس مضمون کا ایک خط لکھا کہ جب حامل رقعہ ہذا تمہارے پاس پہنچے تو فوراً اسے قتل کرکے اس کے چمڑے میں بھس بھروا کر ہمارے پاس بھیج دو۔ اس خط کو اس شخص کے حوالے کرکے کہا کہ فلاں حاکم کے پاس اس خط کو لے جاؤ۔ چناںچہ وہ خط لے کر بادشاہ کے دربار سے باہر آیا۔ اس بادشاہ کا دستور تھا کہ جب وہ دستی خط لکھتا تھا تو کسی کے نام جاگیر و انعام کے لیے لکھتا تھا۔ راستہ میں وہی حاسد ملا، اس کے ہاتھ میں خط دیکھ کر پوچھا یہ کیا ہے۔ اس نے کہا کہ یہ شاہی خط ہے جو مجھے لکھ کر دیا ہے کہ فلاں حاکم کے پاس لے جاؤں۔ اس حاسد نے یہ سمجھا کہ اس شاہی خط میں بادشاہ نے کچھ انعام اور جاگیر کے لیے لکھا ہوگا۔ اس حاسد نے اس شخص سے کہا کہ یہ خط مجھے دے دو میں لے جاؤں گا۔ اس شخص نے کہا کہ اچھا میں تمہیں یہ خط ہبہ کرتا ہوں، لے جاؤ۔ اس حاسد نے اس خط کو انعام کے لالچ میں اس حاکم کے سامنے لے جا کر پیش کیا۔ حاکم نے اس خط کو پڑھ کر حامل رقعہ سے کہا کہ اس خط میں بادشاہ نے یہ لکھا ہے کہ میں تمہیں قتل کرکے تمہاری کھال کھنچوا کر اس میں بھس بھروا کے بادشاہ کے پاس بھیجوں۔ تو یہ حاسد حامل رقعہ بہت گھبرایا اور کہنے لگا کہ یہ دوسرے کا خط ہے جو میں لے آیا ہوں، خدا کے واسطے یہ خط مجھے واپس کردو۔ میں بادشاہ کے پاس واپس لے جاؤں۔ اس حاکم نے کہا کہ بادشاہ کا آیا ہوا خط واپس نہیں جاسکتا۔ اب میں تم کو قتل کروں گا اور بادشاہ کے حکم کے مطابق تمہارے چمڑے میں بھس بھروا کر بادشاہ کے پاس بھیجوں گا۔
چناںچہ اس حاسد کو قتل کرا کر اس کے چمڑے میں بھس بھروا کر بادشاہ کے پاس بھیج دیا۔ ادھر وہ نیک شخص جو بادشاہ کے سامنے روزانہ کھڑا ہوکر یہ کہا کرتا تھا کہ محسن کے احسان کا بدلہ اچھا دینا چاہیے کیوںکہ برائی کرنے والے کو خود اس کی برائی ہلاک کرے گی بادشاہ کے پاس گیا اور اپنی عادت کے مطابق وہی کہا تو بادشاہ کو بہت تعجب ہوا کہ میں نے تو اسے قتل کرانے کے لیے فلاں حاکم کے پاس بھیج دیا تھا، یہ کیسے آگیا اور پھر حاسد کا بھس بھرا چمڑہ بھی آگیا تو بادشاہ نے پوچھا یہ کیا ماجرا ہے۔ اس بزرگ شخص نے کہا حضور اس میں میرا کوئی قصور نہیں ہے۔ بادشاہ نے اس سے کہا کہ اس نے تمہارے متعلق مجھ سے کہا تھا کہ تم میری برائیاں کرتے پھرتے ہو اور مجھے گندہ دہن کہتے ہو۔ اس نے کہا کہ میں نے ہرگز یہ بات نہیںکہی ہے۔ بادشاہ نے کہا جب میں نے تمہیں اپنے پاس بلایا تھا تو تم نے اپنے ہاتھ کو اپنے منہ پر کیوں رکھ لیا تھا؟ اس نے کہا کہ اس نے میری دعوت کی تھی اور کھانے میں لہسن ڈال دیا تھا۔ آپ نے مجھے بلایا، میں آگیا، تو میں نے اپنے دل میں یہ خیال کیا کہ لہسن کی بدبو آپ کو ناگوار گزرے گی، اس لیے میں نے اپنے منہ پر ہاتھ رکھ لیا تاکہ آپ کو بدبو نہ پہنچے۔ بادشاہ نے کہا، سچ ہے تم اپنا کام کرو، بدی کرنے والے کو اس کی بدی تمہاری طرف سے کافی ہوگئی۔
سچ فرمایا اللہ نے:
وَلَا یَحِیْقُ الْمَکْرُ السَّیِّیءُ اِلَّا بِاَہْلِہٖ۔ (فاطر: ۴۳)
اور بری تدبیر کرنے والوں کا وبال ان بری تدبیر کرنے والوں ہی پر پڑتا ہے۔
✿ Pakizah Kahaniya ✿
